Музиката на Архангел ја доживувам како меланхолична од една страна, а од друга страна во неа се присутни силен гитарски звук и исклучителен ритам; ритам што удира директно во тимусот и не ти дозволува да останеш мирен, освен што понекогаш, во некои песни, имаш чувство како да ти е наредено да стоиш во ставот: „Мирно!“



Во пресрет на саботниот <a href="https://www.karti.com.mk/arhangel.nspx">концерт на Архангел (13 јуни, Стадион на АРМ, Скопје)</a> новинарката и директорка на фестивалот за музички документарен филм „Док’н’Ритам“ Сандра Ранчиќ, се осврна кон нејзиното професионално и лично доживување на бендот.



Групата Архангел првпат ја гледав во живо во Белград, во деведесеттите години од минатиот век. Морам да признаам дека пред тој настап имав одредена предрасуда – ми се чинеше дека станува збор за многу мрачен бенд, чии песни во тоа мрачно време не ми „легнуваа“ најдобро и не ми беа доволно јасни. А знаеме дека Архангел(ите) се војската на Светлината.



<figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex">
<figure class="wp-block-image size-large"><img loading="lazy" decoding="async" width="1053" height="1071" data-id="16338" src="https://redakcija.nulta.mk/wp-content/uploads/2026/06/Сандра-Ранчиќ.jpg" alt="" class="wp-image-16338"/></figure>
</figure>



Меѓутоа, појавувањето на македонскиот состав во Белград во тој момент имаше огромно симболичко и културолошко значење, бидејќи претставуваше едно од ретките и драгоцени преминувања на строго чуваните граници во време на целосна културна и политичка изолација на СР Југославија под санкции.



Дури на концертот сфатив дека нивните песни совршено ги отсликуваат стравот, неизвесноста и моралниот пад на тој историски миг, а дека пораката е, барем за мене лично, многу блиска. Јас ја прочитав вака: Љубовта е единствениот спас, единствениот преостанат штит од лудилото и пропаста во свет што се урива.



Тоа е директна критика на современото општество што ги отфрла старите вредности во корист на нови, површни, таканаречени идеологии и материјализам; силни слики што се занимаваат со прашањата на верата, моралот и човечката суета во нов поредок во кој полека се губи секој компас. Универзален, а истовремено и локален, Архангел прецизно ги пренесува чувствата на отуѓеност и потрагата по смисла преку повеќеслојни текстови и моќни метафори.



Творештвото на овој бенд, а пред сè на неговиот основач, имаше многу поширок дострел од локалните рамки и од самата бендовска сцена. Музиката за култната претстава „Маму му ебам, кој прв почна“ на Александар Поповски – создадена, повторно, во еден исклучително значаен историски момент и наградена на 31. БИТЕФ во 1997 година – ја потпишува токму Ристо Вртев, основачот на групата. Таа претстава беше култен генерациски проект што ја обележа театарската сцена на доцните деведесетти години на овие простори.



Музиката на Архангел ја доживувам како меланхолична од една страна, а од друга страна во неа се присутни силен гитарски звук и исклучителен ритам што удира директно во тимусот и не ти дозволува да останеш мирен, освен што понекогаш, во некои песни, имаш чувство како да ти е наредено да стоиш во ставот „Мирно!“ Навистина би сакала барем уште еднаш да присуствувам на концерт на Архангел – овојпат во 21 век.



ОД ПРЕС КОНФЕРЕНЦИЈА ЗА НАЈАВА НА КОНЦЕРТОТ



Македонска рок група Архангел официјално го најави големиот концерт „Срцевина“, кој ќе се одржи на 13 јуни на Стадионот на АРМ, како и новото студиско поглавје на бендот, по повеќе од две децении од последното дискографско издание.



<figure class="wp-block-gallery has-nested-images columns-default is-cropped wp-block-gallery-2 is-layout-flex wp-block-gallery-is-layout-flex">
<figure class="wp-block-image size-large"><img loading="lazy" decoding="async" width="900" height="1200" data-id="16339" src="https://redakcija.nulta.mk/wp-content/uploads/2026/06/707433688_122114348541282708_1708810487325340525_n.jpg" alt="" class="wp-image-16339"/></figure>
</figure>



Концертот „Срцевина“ е замислен како средба на музиката и публиката во простор исполнет со енергија, сеќавања и нови приказни. Архангел ќе ги изведе песните што со години се дел од колективната меморија на неколку генерации, но и нови композиции што го најавуваат претстојниот албум. Настанот носи можност за заедничко доживување на музиката во нејзината најнепосредна форма – како искрена комуникација меѓу сцената и публиката.



Пред претставниците на медиумите беше премиерно прикажан и новиот видеоспот за синглот „Дни оловни“, песна што го најавува претстојниот албум на Архангел и означува враќање на бендот со нов авторски материјал.



На прес-конференцијата говореа Ристо Вртев, фронтмен и автор на Архангел, Иво Антов, автор и реализатор на видеоспотот за „Дни оловни“, и Цвета Спасова, извршен директор на Adriatica Records и организатор на концертот. Преку видео-врска се обрати и реномираниот пијанист и композитор Васил Хаџиманов, кој ќе биде специјален гостин на концертот „Срцевина“. Ристо Вртев истакна дека „Срцевина“ не е само концерт, туку можност да се сумираат повеќе од четири децении авторска работа и истовремено да се отвори простор за нови песни и нова комуникација со публиката. За мене „Архангел“ е &#8211; она што го чувствувам да го претворам во песна и тоа да биде автентично, да не личи на нешто постоечко, автентично во смисла на некои атмосфери, зашто низ разни премрежја се менува и емотивниот набој во песните, како кај народниот творец. Ова не е квалификувана музика, ова си ти самиот, нешто што сам си го задаваш, немаш канон. Јас правам песни, авторска музика, ова мене ми се допаѓа заради енергијата. Автентични автори кои се прифаќаат или не, тоа е клучот, објасни Вртев и додаде дека аматерски се занимава со културна политка како и сите останати што се заинтерсирани да ни опстои културата во добра форма.



НОВО ДИСКОГРАФСКО ИЗДАНИЕ



„Дни оловни“ претставува прва објава од претстојниот албум на Архангел и, според Вртев, е песна која природно го поврзува почетокот на неговиот авторски пат со сегашниот момент. Публиката на концертот ќе има можност премиерно да слушне и дел од новите композиции што ќе бидат дел од новото дискографско издание.



Авторот на видеоспотот, Иво Антов, зборуваше за креативниот процес и визуелниот концепт зад „Дни оловни“, нагласувајќи дека станува збор за дело кое ја следи емоционалната и поетска структура на песната, притоа задржувајќи современ визуелен израз. Цвета Спасова нагласи дека концертот „Срцевина“, снимањето на концертниот материјал и подготовката на новиот албум претставуваат дел од поширок проект што се реализира под капата на Adriatica Records, со цел достојно да се одбележи новата фаза во кариерата на Архангел.



Во своето видео-обраќање, Васил Хаџиманов изрази задоволство што ќе биде дел од концертот и што ќе настапи со својот бенд како специјален гостин на „Срцевина“. „Голема чест ми е што со мојот бенд ќе бидеме дел од концертот ‘Срцевина’и што ќе настапиме заедно со Архангел. Со нетрпение ја очекуваме средбата со публиката во Скопје. Архангел е една од најзначајните групи на македонската и регионалната музичка сцена, со препознатлив авторски израз и песни што и денес силно комуницираат со публиката. Уверен сум дека нè очекува вечер исполнета со музика, емоции и вистинска енергија“, изјави Хаџиманов.



Снимено во „Clinic Sound“, sound design на Gramophonedzie



Синглот „Дни оловни“ е снимен, миксан и мастериран во скопското студио „Clinic Sound“ на Нино Спиркоски. Sound design е потпис на Марко Миличевиќ, познат под псевдонимот Gramophonedzie.



Покрај Вртев, во Архангел се и Александар Ванчовски, Дејан Митровиќ &#8211; бас, Иван Петровски &#8211; гитара и Филип Димишковски &#8211; клавијатури.



Концертот „Срцевина“ ќе се одржи на 13 јуни 2026 година, со почеток во 20:00 часот, на Стадионот на АРМ во Скопје. Влезниците се достапни преку karti.com.mk и продажната мрежа на Karti низ државата.

ЉУБОВТА Е ЕДИНСТВЕНИОТ СПАС, ЕДИНСТВЕНИОТ ПРЕОСТАНАТ ШТИТ ОД ЛУДИЛОТО И ПРОПАСТА ВО СВЕТ ШТО СЕ УРИВА

пишува Ана Василевска

Можеби ќе ти се допадне

ОБЛЕКА НА ИДНИНАТА ЗА ЛУЃЕТО ОД ИДНИНАТА-АДИДАС И ЈАМАМОТО ЗА ДВАЕСЕТ ГОДИШНИНАТА

ТАРТ СО КРЕМ И ЈАГОДИ – малку го сменивме рецептот, го направивме по наше