Сега е моментот да се искористат јагодите што немаат мирис на пластика и поцрвенеле огреани од сонцето. За колаче во три слоја што може да биде за роденден, за десерт или за подарок, зашто има изглед на украс. Дали е едноставно за правење? Како и секој друг рецепт, кога еднаш ќе се усоврши, секогаш ќе успее.



<figure class="wp-block-image size-full"><img loading="lazy" decoding="async" width="720" height="960" src="https://redakcija.nulta.mk/wp-content/uploads/2026/06/718935335_27388695040772398_8148028643977442121_n.jpg" alt="" class="wp-image-16372"/></figure>



<h2 class="wp-block-heading">КАКО СЕ ПРАВИ И ШТО Е ПОТРЕБНО?</h2>



Тартот со јагоди има неколку тајни: тестото и кремот не трпат импровизација. За тестото се потребни:



<ul class="wp-block-list">
<li>125 грама шеќер во прав, </li>



<li>125 грама путер на собна температура, </li>



<li>едно јајце на собна температура и </li>



<li>500 грама путер. </li>
</ul>



Иако изгледа малку, за да успее треба многу. Сите состојки треба да бидат на иста температура за да се спојат соодветно. Се мати путерот со шеќерот додека не стане компактна смеса, се додава јајцето што е исто така на собна температура и, на крајот, се спојува со 250 грама брашно за колачи. За првото се користи дрвена лажица, за второто рацете. Се меси малку додека да се спои. Се формира топка, се витка во пластична фолија и се остава во фрижидер околу два часа.



<h2 class="wp-block-heading">ФРИЖИДЕРОТ ИГРА ГОЛЕМА УЛОГА!</h2>



Тестото се вади од фрижидер малку пред приготвувањето. Се расукува тенко и се распоредува во округло тавче за тарт со подвижно дно. Повторно се враќа во фрижидерот десетина минути пред печењето (важен детаљ).



Се пече на 180 степени дури не порумени. Не смее да биде изгорено, ниту недопечено. Потребни му се петнаесетина до дваесет минути, во зависност од рерната.



Запомнете. Кога еднаш ќе го направите ова тесто и ќе се држите до правилата, секогаш ќе ви успее. Може да се користи за колачиња и како подлога за сите други тартови. Значи: собна температура, грамажа и надгледување. Во рерна треба само благо да зарумени! Ако се препече, кога ќе се излади станува тврдо.



Понатаму, доаѓа потешкиот дел, кремот што секој слаткар го прави на различен начин. Кога ќе ги пробате сите начини, го наоѓате својот победнички. Нашиот е следниов.



<h2 class="wp-block-heading">КРЕМ ВО НЕКОЛКУ ЧЕКОРИ</h2>



За кремот се потребни:



<ul class="wp-block-list">
<li>две големи лажици брашно</li>



<li>четири жолчки</li>



<li>четири лажици шеќер</li>



<li>едно пакување ванилин шеќер </li>



<li>парченце путер (10 грама)</li>
</ul>



Прв чекор: во сад со дно што нема да загори, се преливаат две големи лажици брашно со половина литар млеко. На страна благо се матат четири жолчки со четири лажици шеќер и ванилин шеќер. Се грее млекото се до вриење, се трга од оган и му се додава смесата од жолчки. Се враќа на ринглата и со мешање до вриење се приготвува до крај. Кремот се&#8217; уште не е готов.



<figure class="wp-block-image size-full"><img loading="lazy" decoding="async" width="1536" height="2048" src="https://redakcija.nulta.mk/wp-content/uploads/2026/06/719524743_27388716180770284_2909803715861657740_n.jpg" alt="" class="wp-image-16373"/></figure>



<figure class="wp-block-image size-full"><img loading="lazy" decoding="async" width="1536" height="2048" src="https://redakcija.nulta.mk/wp-content/uploads/2026/06/722097990_27388715054103730_2257176232962232730_n-1.jpg" alt="" class="wp-image-16375"/></figure>



Значи, мешањето е многу важно. За тоа ви треба дрвена лажица и трпение. Кога кремот ќе врие неколку минути се трга од оган и веднаш се става во сад со ладна вода за набрзина да се излади. Така нема да фати непосакувана корка. Повторно се меша и му се додава парченце путер. Помалку или повеќе, по желба. Кога ќе се излади, кремот е спремен за да се прелие преку испеченото тесто, Готов е вториот слој!



<h2 class="wp-block-heading">ТРЕТИОТ НАЈЛЕСЕН СЛОЈ</h2>



Третиот слој е овошјето. Тоа е најлесно. Само се сечка и распоредува преку кремот. Може да бидат јагоди или друго сезонско овошје. Фино наредено и посипано со ливчиња бадем или сечкан фстак. Во ДМ се продаваат мали кесички сечкан фстак од органско потекло! Несолен!



Тартот со овошје, за разлика од оние со чоколадо или печени јаболки, е најдобар кога се послужува еден час подоцна. Овошјето не поднесува стоење во фрижидер, но толку е вкусен, што најверојатно нема ни да остане за наредниот ден. Треба да се знае дека не е торта и не може да се замрзнува. Од сето што го кажавме, може да се замрзне само тестото и да се користи во некоја друга прилика. Или едноставно да се направат бисквити.



Затоа ова тесто е полн погодок. Затоа што како и на сенаменското брашно, и негова одлика е дека е сенаменско.



Трудот вреди. Вкусно е, убаво изгледа, а може да биде и подарок. Нема нешто поубаво од тоа некому да однесете колач со потпис &#8211; рачно направен.



Ако убаво го читате рецептот сите тајни на овој колач ви се откриени.



<figure class="wp-block-image size-full"><img loading="lazy" decoding="async" width="1700" height="2048" src="https://redakcija.nulta.mk/wp-content/uploads/2026/06/721152194_27388716157436953_699052662026133755_n.jpg" alt="" class="wp-image-16376"/></figure>



<figure class="wp-block-image size-full"><img loading="lazy" decoding="async" width="1536" height="2048" src="https://redakcija.nulta.mk/wp-content/uploads/2026/06/720201062_27388714787437090_3102395092114519004_n.jpg" alt="" class="wp-image-16377"/></figure>

ТАРТ СО КРЕМ И ЈАГОДИ – малку го сменивме рецептот, го направивме по наше

пишува Офелија Димковска

Можеби ќе ти се допадне

ОБЛЕКА НА ИДНИНАТА ЗА ЛУЃЕТО ОД ИДНИНАТА-АДИДАС И ЈАМАМОТО ЗА ДВАЕСЕТ ГОДИШНИНАТА

ЉУБОВТА Е ЕДИНСТВЕНИОТ СПАС, ЕДИНСТВЕНИОТ ПРЕОСТАНАТ ШТИТ ОД ЛУДИЛОТО И ПРОПАСТА ВО СВЕТ ШТО СЕ УРИВА