Новак Ѓоковиќ оваа недела ќе го започне својот поход на осмата титула на Wimbledon. Но, и со неа, и без неа, тој веќе ја има најпрестижната титула &#8211; најдобар на сите времиња.



<figure class="wp-block-image size-full"><img loading="lazy" decoding="async" width="1081" height="1080" src="https://redakcija.nulta.mk/wp-content/uploads/2026/06/rebond.avif" alt="" class="wp-image-17192"/></figure>



На местото на легендарниот крокодил, еден од десетте најпознати амблеми на светот, Lacoste стави коза. Само како симбол. GOAT. Направи лимитирана едиција од различна спортска облека на која амблемот е коза &#8211; како јасна референца на изразот GOAT или Greatest Of All Time (Најдобар на сите времиња). Ова се случува втора година по ред, во чест на Новак Ѓоковиќ. Започна и нова кампања во која тој е главниот лик. Кој му прави друштво? Тоа е интересниот дел и може да се види на повеќе видеа кои ги потпиша уметникот Max Siedentopf.



 МАИЦАТА СО ЗЛАТНА КОЗА



Се слави кариерата на Ѓоковиќ и статусот на еден од најголемите спортисти на сите времиња. Новата GOAT колекција е составена од 11 различни парчиња облека. Меѓу нив е и поло маицата со златна коза, направена само во 100 примероци. Пред настапот на Ѓоковиќ на Wimbledon, оваа колекција ќе се продава само во продавницата на Lacoste на Rеgent Street во Лондон. За трансформацијата на култниот крокодил во коза не треба некое посебно објаснување кога се работи за исклучок каков што е и спортистот за кој е направена. Повеќе кратки филмови со содржина во која главната улога ја има Новак, а друштво му прават мали кози што го нагласуваат делот од личноста на тенисерот, неговата духовитост и спонтаност на снаоѓање во необични ситуации.



<figure class="wp-block-image size-full"><img loading="lazy" decoding="async" width="3840" height="1588" src="https://redakcija.nulta.mk/wp-content/uploads/2026/06/1_Starter-Goat_DESKTOP.avif" alt="" class="wp-image-17238"/></figure>



<figure class="wp-block-image size-full"><img loading="lazy" decoding="async" width="1638" height="2048" src="https://redakcija.nulta.mk/wp-content/uploads/2026/06/730332052_1319549670348894_5145468951138001438_n.png.jpeg" alt="" class="wp-image-17276"/></figure>



И додека Lacoste го следи во чекор, тој стигна на Wimbledon како дома. Доаѓа по својот осми пехар, истовремено да ја потврди титулата најстар гранд слем првак во поединечна конкуренција во историјата, освојувајќи досега невидени 25 гранд слем наслови. Ако постои место каде што може да освои уште еден наслов тоа е овој тревнат терен, што значи пократки поени каде што може да се потпре на својот агресивен стил на играње и затворање на мрежата, трошејќи помалку сила.



ЛЕГЕНДАТА ЗА RENÉ LACOSTE РЕВОЛУЦИОНЕРОТ



Со оглед на сѐ René Lacoste не би имал ништо против промените на маицата што беше негов заштитен знак од 1927 година, кога освојуваше гранд слем и кога доминираше во белиот спорт. За него не се зборуваше само заради неговите победи, туку и за неговиот револуционерен изглед и појава на теренот. Прв дојде на идеја да завитка фластер околу дршката на рекетот за помалку да се лизга, патентираше машина за лансирање на тениски топчиња и прв рекет изработен од челик. Сепак, остана најмногу познат поради неговата сопствена креација на парче ткаенина сошиена од памучен материјал: белата поло маица со кратки ракави. Лесното ткаење наречено petit piqué ја неутрализира влагата во летните месеци. Маицата била радикално отстапување од вообичаениот стил на другите тенисери што играле во оксфорд кошули од густо ткаење што згора на сѐ имале и долги ракави. Таа 1927 година во американските медиуми почнуваат да го нарекуваат Крокодил поради неговата агресивна игра, но и поради една приказна за обложување, во која облогот бил куфер од кроко кожа. Тој го става крокодилот како лого на своите маици, а анегдотите остануваат да се прераскажуваат. Во тој момент не е свесен дека ќе предизвика револуција во облекувањето во белиот спорт. Многу брзо маицата ќе биде прифатена од другите тенисери.



Тој не бил бизнисмен. Повеќе бил тенисер, иноватор и естета. Не сакал да ја комерцијализира својата идеја се до 1933 година, кога го наговорил неговиот пријател, тогаш сопственик на најголемата текстилна мануфактура за трикотажа. Формираат заедничка фирма La chemise Lacoste и веднаш потоа започнува производството на најславната поло маица на светот. Белата маица денес се произведува во педесет бои и ги надрасна догмите на статусен симбол. Малиот крокодил е еден од десетте најпознати амблеми на светот. Не е тешко да се заклучи како се поврзани денешниот светски рекет број еден со некогашниот светски рекет број еден чија маица ја носи. Со исклучителна трансформација на култниот крокодил во коза, од Lacoste му одадоа на Новак признание на ГОАТ со креативност и доза на хумор.



КОГА КРОКОДИЛОТ ЈА НАПУШТИ СВОЈАТА ПОЗИЦИЈА



Само уште еднаш откако постои логото, во 2018 година Lacoste направи лимитирана едиција со десет маици на кои наместо крокодилот се наоѓаа десет животински видови во исчезнување. Во прашање е познатата <a href="https://iucnsos.org/initiative/lacoste-x-iucn-sos/">глобална кампања</a> Save our species (Спаси ги нашите видови) на брендот со меѓународната унија за зачувување на природата:<a href="https://iucn.org/"> IUCN.</a> Првпат во историјата на брендот крокодилот ја напушти својата позиција на градите на маиците. Извезени се амблемите на десет најзагрозени животински видови на светот. Бројот на произведени маици одговарал на бројот на преостанати единки од животинскиот вид. На пример, направени се само 30 маици со мотивот на калифорнискиот вид vaquita (вид на мал делфин), а од маицата со мотив на игуана имало 450. Вкупно се направени 1 775 маици до 3 520 по кампања. Распродадени се за 24 часа, а приходот директно отишол за заштита на животните на IUCN.



<figure class="wp-block-image size-full"><img loading="lazy" decoding="async" width="1920" height="1920" src="https://redakcija.nulta.mk/wp-content/uploads/2026/06/image.png" alt="" class="wp-image-17270" srcset="https://redakcija.nulta.mk/wp-content/uploads/2026/06/image.png 1920w, https://redakcija.nulta.mk/wp-content/uploads/2026/06/image-400x400.png 400w, https://redakcija.nulta.mk/wp-content/uploads/2026/06/image-600x600.png 600w" sizes="auto, (max-width: 1920px) 100vw, 1920px" /></figure>



Тоа беше првпат Lacoste да направи промена на логотипот во 85 години постоење на својот славен крокодил. Ја лансирале за време на ревијата на Парискиот викенд на мода. Маиците се продавале за околу 183 долари. Тогаш се зборувало дека е многу тешко да се смисли добра идеја што ќе ја преживее критиката на клиентот. Уште потешко е да се бара да ја променат производната линија, а можеби најтешко, од познат бренд да се бара потполно да го смени логотипот. Но токму затоа оваа идеја е револуционерна. Иницијативата се чинела природна за бренд што го претставува крокодил. Сочувај го своето лого веќе имале програма што подразбирала собирање донации за спасување на животните што ги инспирирале нивните логотипи. Среќниот крај го знаеме, а тоа е дека сите маици се продадени за 24 часа.



И ова не беше обична кампања што заврши со продажбата на маиците и би била банална кога би завршила со приказната за едно лого. Таа помогна во будење на свеста и зголемување на донациите за IUCN што се зголемиле за четири пати. Раздвижувањето на <a href="https://iucnsos.org/">saveourspecies.org </a>за време на активноста се зголемил за 200 отсто, а продажбата на билтенот пораснала за 300 отсто. И Мексико, каде што маиците не се продаваа го имаше видот во изумирање Vaquita. Само 30 што останале живи. Што пливаат споро и бегаат од чамци. Mексиканската влада му испрати на Lacoste писмо со благодарност за подигање на свеста за Vaquita. Што барем определено време можеше мирно да спие&#8230;И да плива.



Вторпат Lacoste прави преседан. Направи прикaзна за маицата што никогаш не била обична да влезе во историјата, и засекогаш да се разликува од секоја друга маица. Да стане симбол и да ја отстапи својата слава на најдобрите.



Еден тениски шампион пред сто години направи маица што денес ја носи друг тениски шампион. 



<figure class="wp-block-embed is-type-video is-provider-youtube wp-block-embed-youtube wp-embed-aspect-16-9 wp-has-aspect-ratio"><div class="wp-block-embed__wrapper">
<iframe loading="lazy" title="The Masterclass of Yoga featuring Novak Djokovic.​" width="500" height="281" src="https://www.youtube.com/embed/JxIduD4xE1s?feature=oembed" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
</div></figure>

ШТО НАПРАВИ Lacoste ЗА ЃОКОВИЌ? Влезе во историјата како GOAT – Greatest Of All Time

пишува Офелија Димковска

Можеби ќе ти се допадне

На местото каде што Европа го печела првиот леб

Облаци над житото, или како Париз од складиште за леб направи храм на трансформацијата