Чевлите на Роже Вивје ( Roger Vivier) не се како ниту едни други. Многу пред освојувањето на кралиците на телевизиските серии, тие ги освоиле вистинските крунисани глави.



<figure class="wp-block-image size-full"><img loading="lazy" decoding="async" width="750" height="1000" src="https://redakcija.nulta.mk/wp-content/uploads/2025/09/RVW79843560UVM1V78-21.webp" alt="" class="wp-image-9159"/></figure>



<figure class="wp-block-image size-full"><img loading="lazy" decoding="async" width="1094" height="1237" src="https://redakcija.nulta.mk/wp-content/uploads/2025/09/P01101020_d1.avif" alt="" class="wp-image-9173"/></figure>



<figure class="wp-block-image size-full"><img loading="lazy" decoding="async" width="1920" height="2560" src="https://redakcija.nulta.mk/wp-content/uploads/2025/09/RVW79743730UVNB999-12-scaled.webp" alt="" class="wp-image-9174"/></figure>



Кој беше Роже Вивје, дизaјнерот чие име и најсофистицираните зависнички од луксузни чевли го изговараат со почит?



Во текот на седумдесетгодишната кариера го нарекуваа &#8220;Faberge&#8221; на чевлите, а создавал до последниот ден од животот. По неговата смрт, брендот прави пауза од 4 години. Добива нов сопственик што го продолжува делото и му дава дополнителен сјај и значење.



Беше важно големата креативна оставштина на Роже Вивје да биде доследно надградена. Амбасадорка на брендот долго време е француската икона на стилот и лице на Шанел, Инес де ла Фресанж, а дизајнер на колекциите е Бруно Фризони, на кој новиот сопственик му ја довери значајната улога.



<h2 class="wp-block-heading">Убавицата на денот</h2>



На еден од јубилеите во Париз каде што се славеше големото име, се појави и Катрин Денев, што и самата во ‘Убавицата на денот‘ на Буњуел снимен 1967 година го носеше најкласичниот модел на дневни чевли Вивје. Беше овековечен во филмот, но и денес е еден од заштитните знаци на куќата. Таа му стана своевидна кума на моделот ‘Belle de jour‘.



<figure class="wp-block-image size-full"><img loading="lazy" decoding="async" width="959" height="639" src="https://redakcija.nulta.mk/wp-content/uploads/2025/09/OD-BO862_FRESH_J_20170802170722.jpg" alt="" class="wp-image-9163" srcset="https://redakcija.nulta.mk/wp-content/uploads/2025/09/OD-BO862_FRESH_J_20170802170722.jpg 959w, https://redakcija.nulta.mk/wp-content/uploads/2025/09/OD-BO862_FRESH_J_20170802170722-600x400.jpg 600w" sizes="auto, (max-width: 959px) 100vw, 959px" /></figure>



Со широка полупетица и масивна четвртаста копча од никел, овој модел изворно бил креиран во 1965 година за зимската колекција на Ив Сен Лоран со кого Вивје долго соработувал. Чевелот е редизајниран неброен број пати и од наследникот Фризони. Секоја сезона е бестселер чиј основен дизајн се претвора во балетанки, сандали, мокасини, чевли на висока потпетица, па дури и чизми.



Ако во ‘Sex and the City‘ заборавија на овие чевли и прославениот дизајнер беше прескокнат, таа неправда е исправена во популарната серија ‘Gossip Girl‘, каде што овој модел беше обожаван и од мајките и од ќерките. Тоа не е сè. Првото од екстравагантните купувања што ги направил Рудолф Нурејев кога пребегал на запад, биле чизмите со метална копча од овој бренд.



<figure class="wp-block-image size-full"><img loading="lazy" decoding="async" width="1708" height="2560" src="https://redakcija.nulta.mk/wp-content/uploads/2025/09/carrousel2-11zon-scaled.webp" alt="" class="wp-image-9172"/></figure>



<h2 class="wp-block-heading">Генијалност и уникатност</h2>



Роже Вивје е роден 1907 година во буржоаско семејство, но останува без родителите на 17 години. Го напушта школувањето за вајар во француската Школа за убави уметности и се посветува на креирање на чевли. И нив на почетокот ги креира како скулптури, но овие многу побрзо и повеќе му носат пари. Во првиот салон што го отворил на улицата Ројал број 22 во Париз, редовна клиентка за уникати му била Жозефина Бејкер. Со исклучителни модели и генијалност, тој со години ги надополнува колекциите на Диор, Ив Сен Лоран, Баленсијага, Унгаро&#8230;



Виртуозноста на дизајнерот ја нагласувала и Дијана Риленд, изложувајќи ги неговите колекции заедно со кралски чевли од 18 век, на изложба што ја поставила во 1977 година во њујоршкиот музеј Метрополитен. Елизабета Втора круната ја прима во 1953 година облечена во уникатни чевли на Вивје, украсени со 300 ситни полудраги камчиња.



Кога во 1987 година во парискиот Музеј за уметност на модата, тој своерачно ја поставува својата ретроспектива во чест на половина век творење, му помогнал тогашниот талентиран уметник Кристијан Лубутен.



Неуморниот воркохолик овој свет го напушта во 1998 година. Брендот ‘молчи‘ само две години. Во 2000 година го купува Диего Дела Вал, сопственикот на гигантот Тодс. Не брзајќи, две години ја осмислува стратегијата и визионерски собира екипа, која продолжува таму каде што големиот мајстор застанал.



Во монографија што претставува омаж на чевларскиот велемајстор која ја напишал модниот документарист Лоис Прињен во форма на писмо како да е Вивје уште жив, стои: &#8220;Драги Роже, заборави да го угасиш светлото кога си одеше, па тоа и понатаму јасно свети. Блескаво во секоја смисла. Некои многу имагинативни луѓе го видоа, па благодарение на нив, луѓето и постхумно може да те запознаат влегувајќи во твојот бутик. Таму можеме да откриеме по нешто за твојата личност, дека беше забавен и интуитивен, ведар но и сериозен, со радост на живеење, смисол за елеганција и за радосен париски луксуз. Бруно Фризони би ти се допаднал, тој го продолжува твоето дело, креирајќи бесконечна низа чевли. Канцеларијата на Инес де ла Фресанж би те насмеала: таму би застанал наутро, би ѕирнал и би се обидел да отвориш, да ја подигнеш стаклената површина на нејзината маса и да ги дофатиш бонбоните и карамелите што се таму скриени. Тоа е една лудница и токму тоа ја прави вистински дом. Роже, ти посакувам убав ден&#8221;.



<figure class="wp-block-image size-full"><img loading="lazy" decoding="async" width="1000" height="1000" src="https://redakcija.nulta.mk/wp-content/uploads/2025/10/2360-BLOCK1.jpg" alt="" class="wp-image-9225" srcset="https://redakcija.nulta.mk/wp-content/uploads/2025/10/2360-BLOCK1.jpg 1000w, https://redakcija.nulta.mk/wp-content/uploads/2025/10/2360-BLOCK1-400x400.jpg 400w, https://redakcija.nulta.mk/wp-content/uploads/2025/10/2360-BLOCK1-600x600.jpg 600w" sizes="auto, (max-width: 1000px) 100vw, 1000px" /></figure>

За најубавите чевли на светот сè уште се зборува. РОЖЕ ВИВЈЕ го нема, но неговото име повеќе од било кога живее преку чевлите со рози што оваа есен осамнаа во витрините на бутиците низ светот

пишува Офелија Димковска

Можеби ќе ти се допадне

ОДРЖЛИВИОТ ИЗБОР Е КУЛ ИЗБОР – ВТОР САЕМ НА ЕКОЛОШКИ БИЗНИСИ ВО РАМКИ НА SKOPJE DESIGN WEEK 2025

Светска премиера на филмот со македонска копродукција „Ритам на животот“ на 66.Меѓународен филмски фестивал во Солун